WHO-ს საერთაშორისო ექსპერტი, გიორგი ფხაკაძე დღეს ჯანდაცვის მსოფლიო ორგანიზაციიდან საინტერესო შეხვედრის შესახებ ინფორმაციას ავრცელებს:
“ქალბატონი მარია ვან კერხოვე გახლავთ მსოფლიოში ცნობილი ეპიდემიოლოგი – ჯანდაცვის მსოფლიო ორგანიზაციის (WHO) ეპიდემიისა და პანდემიის მომზადება/ პრევენციის დეპარტამენტის დირექტორი”- აცხადებს პროფესორი გიორგი ფხაკაძე.
“ალბათ, ყველას გახსოვთ, ის ხშირად ჯანმოს (WHO) სახელით გვაწვდიდა საკმაოდ მნიშვნელოვან ინფორმაციას კოვიდ 19-ის შესახებ პანდემიის დროს.
ის არის უდიდესი პროფესიონალი და ჩემთვის არის ინსპირაცია, თუ როგორ შეიძლება აკეთო უმნიშვნელოვანესი საქმე დიდი წნეხის მიუხედავად (მე მხოლოდ საქართველოს მასშტაბით, მარია კი – გლობალური მასშტაბით ვუძლებდით ამას)… მაგრამ, რა თქმა უნდა, როგორც ჩვენი პროფესიის მცველები, ვაგრძელებდით და ვაგრძელებთ საკუთარ საქმეს – საზოგადოების ინფორმირებას ყველა იმ გამოწვევის შესახებ, რომელიც დგას ჩვენ წინაშე.
ეს არის ჩვენი მოვალეობა და პროფესიის განუყოფელი ნაწილი.
მე და მარიამ დღეს კიდევ ერთხელ გავიხსენეთ და გავუზიარეთ ერთმანეთს ჩვენი “ბრძოლის” დეტალები კოვიდპანდემიის შესახებ და აღმოჩნდა, რომ მასაც არანაკლები “თავგადასავლები” გადაუტანია…
ფაქტობრივად, ახლაც ვართ ამ დეზინფორმაციის დიდი წნეხის ქვეშ…
