18 მარტს კლინიკა “ჰერა 2011“-ში პროფესორი გიორგი ფხაკაძე “აკრედიტაცია კანადის” ქართულ გუნდთან ერთად იმყოფებოდა. კლინიკამ უკვე მიიღო “აკრედიტაცია კანადის” პლატინის სერტიფიკატი, რაც ნიშნავს, რომ იგი აკმაყოფილებს უმაღლეს საერთაშორისო სტანდარტებს პაციენტთა უსაფრთხოებისა და ხარისხიანი სამედიცინო მომსახურების კუთხით.
პაციენტთა საბჭოს გაძლიერება და ახალი სტანდარტები
აკრედიტაციის შემდეგ თანამშრომლობა ახალ ეტაპზე გადადის – “აკრედიტაცია კანადის” ქართველ ექსპერტთა წარმომადგენლობა ყოველ თვე ეწვევა ქვეყნის იმ კლინიკებს, რომლებმაც აღნიშნული სერტიფიკატი მიიღეს. ეს პროცესი მოიცავს:
- ფიზიკურ შემოწმებას – კლინიკის ინფრასტრუქტურის, პროცესებისა და მომსახურების გადამოწმებას;
- კლინიკის ანგარიშის მოსმენას – მიმდინარე საკითხებზე, მიღწეულ შედეგებსა და სამომავლო გეგმებზე;
- პაციენტთა საბჭოს შეხვედრებს – პაციენტთა მოსაზრებებისა და გამოცდილების გათვალისწინებას კლინიკის გაუმჯობესებისთვის.
პაციენტთა საბჭოს როლი განსაკუთრებულად მნიშვნელოვანია. სწორედ გიორგი ფხაკაძის ინიციატივით პაციენტთა საბჭოები შეიქმნა აკრედიტაცია კანადის მიერ აკრედიტებულ ცხრავე კლინიკაში, რაც საქართველოს მასშტაბით უნიკალური მოვლენაა.
ნინო გვარლიანი: “აქ ნამდვილად ხარისხია”
კლინიკა “ჰერაში” გამართულ შეხვედრას პაციენტთა საბჭოს თავმჯდომარე ნინო გვარლიანი ესწრებოდა.
ნინო გვარლიანი:
“დღეს, როგორც კლინიკა “ჰერას” პაციენტთა საბჭოს თავმჯდომარეს, მქონდა შეხვედრა “აკრედიტაცია კანადის” ადგილობრივ გუნდთან და კლინიკა “ჰერას” ხელმძღვანელობასთან. ერთად განვიხილეთ პაციენტთა საბჭოს ეფექტური მუშაობა და იმ დროის განმავლობაში მიღწეული შედეგები. შეხვედრა ნაყოფიერი გამოდგა, დაიგეგმა შემდეგი ნაბიჯები.
მადლობა კლინიკა “ჰერას” ღიაობისთვის. აქ ნამდვილად ხარისხია.”
პაციენტთა საბჭოებსა და ხარისხის გაუმჯობესების პროცესს მნიშვნელოვანი გავლენა აქვს პაციენტთა უსაფრთხოებასა და მათ მომსახურებაზე. კლინიკა “ჰერა 2011” ამ მიმართულებით ერთ-ერთ მოწინავე დაწესებულებად რჩება, სადაც პაციენტთა ხმა ყოველთვის ისმის.
Related posts:
წაიკითხეთ ასევე
7 მარტი 2026კლინიკა „პინეოში“„პაციენტთა საბჭოს” პირველი შეხვედრა გაიმართა – “აკრედიტაცია კანადის” სტანდარტი ქართულ ჯანდაცვის სივრცეში
13 ივნისი 2026“ქუთაისის საეკლესიო საავადმყოფო ქსენონმა” მიიღო პლატინის აკრედიტაცია – პაციენტთა საბჭოს თავმჯდომარე პროცესში აქტიურად მონაწილეობდა
10 მარტი 2026გიორგი ფხაკაძე: საქართველოს და სენეგალის საზოგადოებრივი ჯანდაცვის მედიაჰოლდინგები თანამშრომლობას იწყებენ
