პაციენტთა საბჭოები საქართველოში
ჯანდაცვის საერთაშორისო ექსპერტი, “აკრედიტაცია კანადას” წარმომადგენელი საქართველოში, პროფესორი გიორგი ფხაკაძე “პაციენტის საბჭოების სამდივნოს” ქმნის. საქართველოს საზოგადოებრივი ჯანდაცვის ინსტიტუტი კი ამ საბჭოების სამდივნოა:
“საქართველოს ჯანდაცვის საზოგადოებრივი ინსტიტუტი მუშაობს იმისათვის, რომ განვითარდეს ჯანდაცვა საქართველოში, მაგრამ ეს ვერ მოხდება, თუ არ იქნება ჩართულობა პაციენტების მხრიდან.
შესაბამისად, ჩვენ უკვე წლებია, ვმუშაობთ პაციენტებთან სხვადასხვა მიმართულებით, მაგრამ გადავწყვიტეთ, რომ ეს ჩართულობა იყოს უფრო ორგანიზებული და სტრუქტურიზებული.
ეს ნიშნავს იმას, რომ საქართველოს საზოგადოებრივი ჯანდაცვის ინსტიტუტმა გადაწყვიტა, თავისი პლატფორმა “შენი პულსი” -ზე შეიქმნას დამატებითი პლატფორმა “შენი პაციენტი”.
“შენი პაციენტი” გააერთიანებს პაციენტებს სხვადასხვა საავადმყოფოებიდან. “შენი პაციენტის” სამდივნო იქნება საქართველოს საზოგადოებრივი ჯანდაცვის ინსტიტუტში და თითოეულ საავადმყოფოში იქნება პაციენტთა საბჭო.
ჩვენი კარი ყოველთვის ღიაა ყველასთვის. საავადმყოფოების საბჭოები გააჟღერებს პაციენტების ინფორმაციას, რის შემდეგაც ჩვენ ხელს შევუწყობთ, რომ პაციენტების ხმა იყოს ხელმისაწვდომი სამინისტროსა და საავადმყოფოებში.
ასევე ჩვენ დავუთმობთ პლატფორმას პაციენტებს, რომლის შესახებაც ფართო საზოგადოება გაიგებს. პრაქტიკულად, ჩვენ დღეს ვიწყებთ პაციენტების ჩართულობას არამხოლოდ ზედაპირულად, არამედ ღრმა ჩართულობით პაციენტების უშუალოდ ჯანდაცვის სისტემაში.”
Related posts:
წაიკითხეთ ასევე
7 მარტი 2026ნინო ნადირაძე კუზანოვა: “კლინიკების აკრედიტაციის პროცესი სასიცოცხლოდ აუცილებელია”
9 მარტი 2026Accreditation Canada ქართულ კლინიკებში – ქუთაისის “ჯანმრთელობის ეროვნულ ორგანიზაციაში “პაციენტთა საბჭოს პირველი შეხვედრა გაიმართა
8 მარტი 2026ისტორიული ნაბიჯი საქართველოს ჯანდაცვაში – ინოვაციური “პაციენტთა და ოჯახის წევრთა საბჭოები”
