2024 წლის 29 აგვისტოს კლინიკა “ვივამედში” მსოფლიოში ერთ-ერთი უმსხვილესი მააკრედიტირებელი ორგანიზაციის, “აკრედიტაცია კანადის” მრჩევლებმა იოსებ დემეტრაშვილმა და თათია გოჩაძემ ნაყოფიერი ვიზიტი გამართეს.
გთავაზობთ “პაციენტთა საბჭოების სამდივნოს” ხელმძღვანელ იოსებ დემეტრაშვილთან ინტერვიუს:
– ბატონო იოსებ, საქართველოში ძალიან მნიშვნელოვანი პროცესი მიმდინარეობს – საერთაშორისო აკრედიტაციის პროცესს გადის არაერთი კლინიკა და მათ შორის, გიორგი ფხაკაძის დამსახურებით, საქართველოში ავტორიტეტული ორგანიზაციის “აკრედიტაცია კანადის” სტანდარტებით 20 -ზე მეტი კლინიკა გადის აკრედიტაციის პროცესს.
ყველა ამ კლინიკაში ინერგება არაერთი სტანდარტი და მათგან ერთ-ერთი მნიშვნელოვანი პროექტი არის პაციენტთა ჩართულობა, რომლის ფარგლებშიც კლინიკებში მიმდინარეობს პაციენტთა გამოკითხვა, იქმნება “პაციენტთა საბჭოები” და თქვენი როლი სწორედ ამ კონტექსტში არის ძალიან მნიშვნელოვანი, რადგან “პაციენტთა საბჭოების სამდივნოს” ხელმძღვანელი ბრძანდებით.
რეალურად აკონტროლებთ პროცესს, როგორ უნდა იყოს გამართული პაციენტთა ჩართულობა კლინიკების განვითარების პროცესში.
როგორ შეაფასებთ ზოგადად ამ პროცესს? რამდენად მნიშვნელოვანია პაციენტის ჩართულობა კლინიკის განვითარების პროცესში? ეს სიახლეა საქართველოში…
– დიახ გამომდინარე იქიდან, რომ კანადის მმართველობამ საკუთარ ქვეყანაში ეს სტანდარტი სავალდებულო გახადა და დააკანონა, ჩათვალა, რომ ეს არის ყველაზე მნიშვნელოვანი სტანდარტი.
ჩვენ აქტიურად ვმართავთ ვიზიტებს კლინიკებში და ვაწვდით ინფორმაციას პაციენტებს, თუ რამდენად მნიშვნელოვანია მათი ჩართულობა ჯანდაცვის სისტემის განვითარებაში. ეს საჭიროა იმისთვის, რომ მიიღონ კარგი მომსახურება და მივიდეთ საერთაშორისოდ აღიარებულ სტანდარტამდე.
ზუსტად ამიტომ არის მნიშვნელოვანი პაციენტების ჩართულობა აღნიშნულ საკითხში.
– როგორი ტენდენცია შეიმჩნევა – რამდენად აქტიურობენ პაციენტები და კლინიკები ამ სტანდარტის დანერგვაში?
– პაციენტებმა, ჩემი აზრით, იგრძნეს და გაითავისეს ის პასუხისმგებლობა, რაც მიენიჭათ. მათ მოსაზრებას ითვალისწინებენ და გარკვეული საკითხების გადაწყვეტაში მონაწილეობენ. დღესაც ორ კლინიკაში გავმართეთ ნაყოფიერი ვიზიტი “აკრედიტაცია კანადის” მრჩევლებმა და პაციენტებმა ისაურეს იმ შენივნებზე, რაც კლინიკამ უნდა გამოასწოროს. ძალიან დიდი იმედი მაქვს, რომ კლინიკა ამ ყველაფერს გაითვალისწინებს, რადგან მათი ვალდებულება და ინტერესია, რომ ყველა პაციენტი იყოს მათი მომსახურებით კმაყოფილი.
ჩვენი ვიზიტები არის ძალიან მნიშვნელოვანი, როგორც მრჩევლების, რადგან უნდა გავუწიოთ რეკომენდაციები, რომლებიც დაეხმარებათ – უფრო ადვილად გაიარონ აკრედიტაციის პროცესში.
ყველა კლინიკას ვუსურვებთ აკრედიტაციის გავლას და გისურვებთ ჯანმრთელობას!
#drpkhakadze #sheniekimi
წაიკითხეთ ასევე
7 მარტი 2026Accreditation Canada – ს მრჩევლებმა “პინეოში” მორიგი ვიზიტი გამართეს – კლინიკა საერთაშორისო აკრედიტაციისთვის ემზადება
3 ივნისი 2026როგორ დავიცვათ თავი ჯანდაცვის სისტემაში არსებული ბიუროკრატიული ბარიერებისგან?
6 მარტი 2026“აკრედიტაცია კანადის” მრჩეველმა “წმ. იოაკიმესა და ანას სამედიცინო ცენტრში” ტრენინგი გამართა
